გია ხუხაშვილი “დიანა ტრაპაიძის დღის ამბებში” პრემიერმინისტრის ინიციატივას ეხმაურება ორთაჭალაში სამთავრობო ქალაქი აშენდებასთან დაკავშირებით და აცხადებს, რომ ასეთი განცხადებები ძალიან ჰგავს “ნაციონალური მოძრაობის” ინიციატივებს და მაგალითად პარლამენტის ქუთაისში გადატანა მოჰყავს. ხუხაშვილი მიიჩნევს რომ, პრემიერის ეს ინციატივა ეკონომიკაში მთავარ მოთამაშედ ხელისუფლების ჩართვაა.
“მე მსგავსებაზე როდესაც ვსაუბრობდი მე ვსაუბრობდი ძალიან მარტივ რამზეზე, რომ მიშა სააკაშვილი ვირტუალურ კეთილდღეობის სურათებს ქმნიდა სახელისუფლებო აქტივობით. ანუ ხელისუფლება და სახელმწიფო გამოდიოდა მთავარი მოთამაშე ეკონომიკურ სფეროში. რაც ლიბერალური სამყაროსთვის, ცივილიზებული სამყაროსთვის აბსოლუტურად მიუღებელია და არაჯანსაღი ვითარებების დამახასიათებელია.
“დღევანდელმა ხელისუფლებამაც დაიწყო იმაზე საუბარი, რომ მთავარი მოთამაშე ეკონომიკაში თვითონ უნდა გახდეს. ქალაქები ააშენოს და ასე შემდეგ. ეს პარლამენტის ქუთაისში გადატანის და იმ შენობის აშენებას ძალიან გავს, როდესაც შემდგომ ეკონომიკური ატივობის თემა მიება ქუთაისში. პარლამენტი იქ რომ გადავიდოდა აყვავდებოდა ქუთაისი და მთელი იმერეთი.
დღევანდელი განცხადებები, ციტატები შეგვიძლია ვნახოთ, სიტყვა სიტყვით იმეორებენ, შენობები გამოთავისუფლედება, ხუთვარსკვლავიანი სასტუმროები აშენდება”, – განაცხადა ხუხუაშვილმა.