“ რუსეთის ტერიტორიაზე უკრაინის შეჭრა დასავლეთის ანტიესკალაციურ პოზიციას არ ცვლის”

პოლონეთის შინაგან საქმეთა მინისტრის თქმით, რუსეთის ტერიტორიაზე უკრაინის შეჭრა დასავლეთის ანტიესკალაციურ პოზიციას არ ცვლის.

ტომაშ სიემონიაკი ამბობს, რომ კურსკის ოლქში უკრაინელმა სამხედროებმა მოკლე ვადაში დიდ წარმატებას მიაღწიეს, თუმცა, ამის გამო პარტნიორები კიევს რუსეთის სიღრმეში დასავლური იარაღის გამოყენების უფლებას არ მისცემენ.

მინისტრის თქმით, მომხდარი დადებითად მოქმედებს კიევის ავტორიტეტის ცვლილებაზე და დასავლეთი მოვლენების განვითარებას ყურადღებით აკვირდება.

„ვფიქრობ, დასავლეთის ქვეყნებისთვის ეს მოვლენა უკრაინის იმიჯს ცვლის – 2 კვირაზე ნაკლებ დროში კიევის პოლიტიკური მონაგარი უზარმაზარია“, – განაცხადა სიემონიაკმა.