პენტაგონში განაცხადეს, რომ აშშ ნებას რთავს უკრაინას, გამოიყენოს ამერიკული იარაღი კურსკის ოლქში სამიზნეების წინააღმდეგ, რათა დაიცვას თავი ამ რეგიონიდან თავდასხმებისგან. ინფორმაციას ამის შესახებ უკრაინული მედია ავრცელებს.
„ჩვენ მხარს ვუჭერთ უკრაინას იმაში, რაც მას ახლა ბრძოლის ველზე სჭირდება. ჩვენ უკეთ ვიგებთ, რას აკეთებენ უკრაინელები კურსკში. ჩვენი პოლიტიკა საშუალებას აძლევს მათ მონაწილეობა მიიღონ ასეთ კონტრშეტევებში. მაგრამ ჩვენ კვლავ ვუჭერთ მხარს უკრაინას იმაში, რაც მას სჭირდება ბრძოლის ველზე, ეს არ შეიცვლება“, – აღნიშნა პენტაგონის სპიკერის მოადგილემ, საბრინა სინგჰმა.
„აშშ-ის პოლიტიკა საშუალებას აძლევს უკრაინას საპასუხო ცეცხლით უპასუხოს, რათა თავი დაიცვას რუსული თავდასხმებისგან ამ სასაზღვრო რეგიონიდან და ეს სასაზღვრო რეგიონი მოიცავს კურსკის ოლქს, სუმის ოლქის საზღვარს. ისინი იცავენ თავს რუსეთის თავდასხმებისგან ამ რეგიონის ფარგლებში“, – დასძინა მან.