ინგა გრიგოლიას “რეაქციაში” ჯაბა ჯიშკარიანის განცხადებას, რომ მათ აირჩიეს დემოკრატიული საქართველო და ამიტომ იქნება ჩავარდნებიც და შეცდომებიც, “ნაციონალური მოძრაობის” წარმომადგენლის გიორგი ბოტკოველის რეპლიკა მოჰყვა, რის შედეგადაც მათი საუბარი სიტყვიერ დაპირისპირებაში გადაიზარდა.
გიორგი ბოტკოველი : ჩვენ ვცხოვრობთ დემოკრატიულ ქვეყანაში და კრიმინალი დემოკრატიის ფარგლებში მოქმედებს, გადაცემის თემა არ იქნებოდა კრიმინალი, რომ არ გაზრდილიყო საქართველოში დანაშაულთა რიცხვი. “
ამ განცხადებას მოჰყვა ჯაბა ჯიშკარიანის რეპლიკა
“ხელისუფლების კრიმინალზე იყო თქვენ დროს საუბარი, როგორ უნდა მელაპარაკო როდესაც გირგვლიანის მკვლელობა დაფარეთ, ზუსტად ვანო მერაბიშვილის დროს მართავდა ქურდული სამყაროს გაგება ხელისუფლებას“.
ჯაბა ჯიშკარიანის, თქმით ადამიანი არ არსებობს “ნაციონალურ მოძრაობაში”, რომელსაც მასთან მიმართებაში რაღაც დანაშაული არ ექნებოდა ჩადენილი.
მაგალითად მოჰყავს 2009 წლის ქალაქ თელავში მისივე ორგანიზებული აქცია, რომელიც მისი თქმით გიორგი ბოტკოველმა და მის გვერდით მყოფმა ადამიანებმა დაარბია და ახალგზრდები სცემეს. ასევე იგი აკონკრეტებს რომ იმ დროს გიორგი ბოტკოველი იყო ნაციონალური პარტიის კოორდინატორი, თუმცა ამ ფაქტს გიორგი ბოტკოველი უარყოფს და ამბობს რომ იმ დროს იგი თელავში საერთოდ არ იმყოფებოდა.