ისრაელის სამხედრო-საჰაერო ძალებმა ღაზის სექტორში განხორციელებული ავიაიერიშის შედეგად „ჰამასის“ წევრი თაჰა აბუ ნადა მოკლეს. ინფორმაცია ისრაელის თავდაცვის არმიის („ცაჰალის“) ტელეგრამ არხზეა გამოქვეყნებული.
როგორც ინფორმაციაშია აღნიშნული, თაჰა აბუ ნადა ღაზაში პასუხისმგებელი იყო „ჰამასისთვის“ სამხედრო ტექნიკისა და დამატებითი აღჭურვილობის წარმოებაზე. „ჰამასი“ შემდგომში ამ იარაღს ისრაელის ტერიტორიაზე თავდასხმების მოწყობისთვის იყენებდა.
გასული დღე-ღამის განმავლობაში ებრაელმა ჯარისკაცებმა საერთო ჯამში ღაზის სექტორის რაფაჰის რაიონში ათობით ტერორისტი გაანადგურეს. ამავე რაიონში მათ დიდი რაოდენობის იარაღი, ნაღმმტყორცნები, ასაფეთქებელი საშუალებები და მოწყობილობები აღმოაჩინეს.
კომენტარები