უკრაინის პრეზიდენტმა ვოლოდიმირ ზელენსკიმ ტელეგრამის საკუთარ არხზე დაწერა, რომ კიევმა და მოსკოვმა არაბთა გაერთიანებული საამიროების შუამავლობით სამხედრო ტყვეები გაცვალეს.
„დღეს სახლში ჩვენი კიდევ 115 დამცველი დაბრუნდა. ისინი ეროვნული გვარდიის, შეიარაღებული ძალების, სამხედრო-საზღვაო ძალების, სახელმწიფო საზღვრის დაცვის სამსახურის მეომრები არიან“, – დაწერა ზელენსკიმ.
მისი თქმით, უკრაინას ტყვედ ჩავარდნილი ყოველი თავისი მეომარი ახსოვს. უკრაინის ხელისუფლება მაქსიმალურ ძალისხმევას ავლენს, რათა ტყვედ ჩავარდნილი სხვა მებრძოლებიც გაათავისუფლოს და სახლში დააბრუნოს.
კომენტარები