“როდესაც შიდა საზღვრები გავხსენით, არ გვიფიქრია გარე საზღვრების გამაგრებაზე”

როდესაც შიდა საზღვრები გავხსენით, არ გვიფიქრია გარე საზღვრების გამაგრებაზე, – განაცხადა გერმანიის კანცლერმა, ანგელა მერკელმა.

„ვფიქრობ, ჩვენ ყველაფერი კარგად არ გავაკეთეთ და ის, რაც დაუსრულებელი დაგვრჩა, დადგა დრო დავასრულოთ და საამისოდ კარგი საფუძველი გვაქვს“, – განაცხადა მერკელმა.
„როდესაც შიდა საზღვრები გავხსენით, არ გვიფიქრია გარე საზღვრების გამაგრებაზე; როდესაც ერთიანი ვალუტა დავაწესეთ არ ვიყავით მზად კრიზისისთვის. ყველაფერ ამას ჩვენ ახლა ვასწორებთ საბანკო კავშირისა და სტაბილიზაციის მექანიზმების მეშვეობით. მთავარი ის არის, რომ ეს სოლიდარობის ატმოსფეროში უნდა კეთდებოდეს“, – აღნიშნა გერმანიის კანცლერმა.
მისი აზრით, ევროპა შეძლებს ერთიანი პასუხის გამოძებნას საიმიგრაციო პრობლემაზე.
„ჩვენ უნდა ვუზრუნველყოთ, რომ ხალხი არ გარბოდეს თავისი ქვეყნებიდან, გადავჭრათ კრიზისები, როგორც სირიაშია და ეს ერთად უნდა გავაკეთოთ“, – დასძინა ანგელა მერკელმა.