დიდ ბრიტანეთში, ლა მანშის სრუტეში, დორსეტის საგრაფოში Merlin Mk4 ტიპის სამხედრო ვერტმფრენი ჩამოვარდა, რის შედეგადაც მფრინავი დაიღუპა. ინფორმაციას ბრიტანეთის თავდაცვის სამინისტრო ავრცელებს.
„დიდი მწუხარებით ვიუწყებით, რომ წვრთნების დროს მომხდარი ინციდენტის შედეგად სამეფო ფლოტის წევრი დაიღუპა. ჩვენი ფიქრები მის ოჯახთანაა, რომელიც უკვე ინფორმირებულია მომხდარის შესახებ“, – ნათქვამია განცხადებაში.
ავიაკატასტროფა იმ დროს მოხდა, როცა ვერტმფრენი ავიამზიდ „დედოფალი ელიზაბეთ“-იდან აფრინდა და ღამის ფრენას ასრულებდა. ინციდენტის შედეგად სხვა არავინ დაშავებულა.
კომენტარები