პარიზის პარალიმპიური თამაშების მეოთხედფინალური შეხვედრა გამართა ქართველმა პარაძიუდოისტმა ლაშა ყიზილაშვილმა (90 კგ, კატეგორია J2).
კულტურის, სპორტისა და ახალგაზრდობის სამინისტროს ინფორმაციით, მან ორთაბრძოლა ფრანგ ელიოს ლაჩუმანაისთან დათმო და პარალიმპიადის ბრინჯაოსთვის ბრძოლას რეპეშაჟის გავლით გააგრძელებს.
ლაშა ყიზილაშვილმა პირველ შეხვედრაში ყაზახი სპორტსმენი დაამარცხა.
ამ დროისთვის პარიზის პარალიმპიადაზე საქართველოს შვიდი მედალი აქვს, რაც სარეკორდო მაჩვენებელია. პარიზში ჩემპიონობა პარამძლეოსანმა გიგა ოჩხიკიძემ იზეიმა. ვერცხლის მედლები პარაძიუდოისტებმა ზურაბ ზურაბიანმა, გიორგი ქალდანმა და პარამსროლელმა ლადო ჭინჭარაულმა მოიპოვეს, ბრინჯაოსმედალოსნები კი პარაძიუდოისტი ინა ქალდანი, ეტლით მოფარიკავე ნინა თიბილაშვილი და 19 წლის პარატაეკვონდოისტი ანა ჯაფარიძე გახდნენ.