გაეროს გენერალურმა მდივანმა, ანტონიო გუტერეშმა განაცხადა, რომ გაერო წინადადებით გამოვიდა, ღაზის სექტორში ცეცხლის შეწყვტის პროცესს მინიტორინგი გაუწიოს.
ანტონიო გუტერეშის თქმით, არარეალურია იმაზე ფიქრი, რომ გაერომ შეიძლება ითამაშოს როლი ღაზის სექტორის მომავალში, იქნება ტერიტორიის ადმინისტრირებით თუ სამშვიდობო ძალების განლაგებით, რადგან ნაკლებად სავარაუდოა, რომ ისრაელი დაეთანხმოს გაეროს როლს.
„გაერო მზად არის, მხარი დაუჭიროს ცეცხლის შეწყვეტის შესახებ ნებისმიერ შეთანხმებას“, – აღნიშნა გაეროს გენერალურმა მდივანმა.
„რა თქმა უნდა, ჩვენ მზად ვიქნებით გავაკეთოთ ის, რასაც საერთაშორისო საზოგადოება გვთხოვს. საკითხავია, მიიღებენ თუ არა მას მხარეები და, კერძოდ, მიიღებს თუ არა მას ისრაელი“, – დასძინა მან.
კომენტარები