აშშ-ის სახელმწიფო მდივანი ენტონი ბლინკენი და დიდი ბრიტანეთის საგარეო საქმეთა მინისტრი დევიდ ლემი 11 სექტემბერს უკრაინაში ჩავლენ, ინფორმაციას ამერიკის სახელმწიფო დეპარტამენტის სპიკერი მეთიუ მილერი ავრცელებს.
„სახელმწიფო მდივანი ენტონი ბლინკენი დიდი ბრიტანეთის საგარეო საქმეთა მინისტრთან დევიდ ლემისთან ერთად 11 სექტემბერს უკრაინაში ჩავლენ, რათა რუსული აგრესიის წინააღმდეგ უკრაინის თავდაცვის მიმართ ურყევი მხარდაჭერა აჩვენონ“, – დაწერა მილერმა სოციალურ ქსელ X-ში.
მისივე განცხადებით, ბლინკენი და ლემი 12 სექტემბერს უკრაინიდან პოლონეთში გაემგზავრებიან, რათა უკრაინასთან, როგორც ნატოს მოკავშირესთან თანამშრომლობა გააღრმაონ.
კომენტარები