საქართველოში მათემატიკის სპეციალური სკოლები გვაქვს, ბევრი მათი მოსწავლე სწორედ ქუთაისის უნივერსიტეტს ირჩევს. რეიტინგში ქუთაისის საერთაშორისო უნივერსიტეტი პირველ ადგილზეა სახელმწიფო უნივერსიტეტებიდან, – განაცხადა მეცნიერმა, მათემატიკოსმა, ქუთაისის საერთაშორისო უნივერსიტეტის პროფესორმა ალექსანდრე მესხმა „დღის ქრონიკასთან“.
წამყვანმა მას ჰკითხა, როგორია აბიტურიენტების დაინტერესება, რადგან თუ სტატისტიკას გადავხედავთ, 30-35% ირჩევს ქუთაისის უნივერსიტეტს. როგორია ტენდენცია, რამ იმოქმედა მათ გადაწყვეტილებაზე.
„როგორც წესი, კომპიუტერულ მეცნიერებაში დაინტერესება მეტია. ეს იმითაა გამოწვეული, რომ მოთხოვნა მათზე მეტია. სტუდენტებს უნივერსიტეტის დამთავრების შემდეგ შეუძლიათ მაღალანაზღაურებად კომპანიებს მიმართონ და გააგრძელონ თავიანთი საქმიანობა. რაც შეეხება მათემატიკას, საქართველოში ყოველთვის იყო მის მიმართ ინტერესი. ჩვენთან როგორც წესი, ყოველწლიურად 20 ადგილია გამოყოფილი. მოდიან ძალიან წარმატებული ახალგაზრდები. მოგეხსენებათ, საქართველოში მათემატიკის სპეციალური სკოლები გვაქვს, ბევრი მათი მოსწავლე სწორედ ქუთაისის უნივერსიტეტს ირჩევს. რეიტინგში ქუთაისის საერთაშორისო უნივერსიტეტი პირველ ადგილზეა სახელმწიფო უნივერსიტეტებიდან“ , – აღნიშნა პროფესორმა.