თურქეთში ქართველი ქალი მოკლეს. შემთხვევა ბეიოღლუს რაიონში, ერთ-ერთ სასტუმროში მოხდა,- ინფორმაციას ადგილობრივი მედია ავრცელებს.
მათი ცნობით, ქალს სასიკვდილოდ, თავისმა შეყვარებულმა სცემა. მას პირველადი დახმარება სასწრაფო სამედიცინო დახმარების ჯგუფებმა ადგილზე გაუწიეს, რის შემდეგაც კლინიკაში გადაიყვანეს, თუმცა მისი გადარჩენა ვერ მოხერხდა.
მედია ასევე წერს, რომ სავარაუდო დამნაშავემ შემთხვევის ადგილიდან გაქცევა სცადა, თუმცა მას სასტუმროს თანამშრომელი აედევნა და დააკავა.
მომხდარ ფაქტთან დაკავშირებით გამოძიება მიმდინარეობს.
კომენტარები