გერმანიაში, დრეზდენში, მდინარე ელბაზე კაროლას ხიდის ნაწილი ჩამოინგრა.
როგორც Deutsche Welle წერს, ეს 11 სექტემბრის ღამეს, 03:00 საათზე მოხდა. ქალაქის მთავრობაში განმარტავენ, რომ ინციდენტის შედეგად არავინ დაშავებულა, თუმცა ხიდზე ავტომობილების, მდინარეზე კი ხომალდების მოძრაობა გაურკვეველი დროით შეჩერდა. ამასთან დაზიანდა თბილი წყლის მილები, რის გამოც სანაპიროს ნაწილი თბილი წყლით დაიტბორა.
ხიდის ჩამონგრევის მიზეზები ამ ეტაპზე არ დასახელებულა.
კომენტარები