ბრიუსელის შარლერუას აეროპორტში პერსონალის საყოველთაო გაფიცვის გამო დღეს ყველა ფრენა გაუქმდა. ინფორმაციას ბელგიური მედია ავრცელებს.
მედიის ცნობით, აეროპორტის ხელმძღვანელობას მგზავრები ჰყავდა გაფრთხილებული, თუმცა გაფიცვამ სერიოზული სახე მიიღო მას შემდეგ, რაც იქ მომუშავე პერსონალმა ასაფრენ-დასაფრენი ზოლის ბლოკირება მოახდინა.
ინფორმაციის თანახმად, აეროპორტის თანამშრომლები შრომის პირობების გაუმჯობესებას ითხოვენ. გაფიცვა 24 საათს გასტანს.
აღსანიშნავია, რომ შარლერუას აეროპორტი ბრიუსელში ზავენტემის მერე სიდიდით მეორეა. ის წელიწადში დაახლოებით 8 მილიონ მგზავრს ემსახურება. ამ აეროპორტიდან რეისები 190-ზე მეტი მიმართულებით სრულდება, მათ შორის ქუთაისშიც.
კომენტარები