შეუძლებელი იქნება არჩევნების შედეგის არაღიარება, თუ ამას ვინმე გააკეთებს ის ამით ანტიდემოკრატიულობას და სიცრუეს გაუსვამს ხაზს, – განაცხადა „დღის ქრონიკაში“ „ქართული ოცნების“ საარჩევნო სიის მეთერთმეტე ნომერმა სოზარ სუბარმა.
„ვერ დადებენ ვერცერთ ფაქტს, სადაც არჩევნების რაღაცა ტიპის დარღვევებზე იქნება ლაპარაკი ხელისუფლების მხრიდან. დღეს ვხედავთ ათეულობით ფაქტს, როდესაც ჩვენს ოფისებში უვარდებიან, აყენებენ შეურაცხყოფას, ვნახეთ რომ ასეთ ფაქტს ტრაგიკული შედეგი მოჰყვა ბატონი გიგიაძისსახით. ვინც ამას აკეთებს, უნდა დაისაჯოს. სამგორშიც დარბიან „ახლების“ წარმომადგენლები, საკონსტიტუციო სასამართლოს ყოფილი მოსამართლე უშუალოდ ხელმძღვანელობს პლაკატების ჩამოხევის კამპანიას. თუ საუბარი იქნება დარღვევებზე, დარღვევები უნდა მოინახოს ოპოზიციის მხარეს და ჩვენ ამის დოკუმენტირებას გავაკეთებთ“, – აღნიშნა სოზარ სუბარმა.