უკრაინის პრეზიდენტმა, ვოლოდიმირ ზელენსკიმ განაცხადა, რომ HIMARS-ისთვის ჭურვების მიწოდება 2022 წლის ზაფხულთან შედარებით სამჯერ შემცირდა.
ყოველწლიურ საერთაშორისო ფორუმზე – იალტის ევროპული სტრატეგია – სიტყვით გამოსვლისას, ზელენსკიმ აღნიშნა, რომ უკრაინამ ვერ შეძლო პარტნიორი ქვეყნების სამხედრო დახმარებაზე დამოკიდებულების დაძლევა.
„ეს ეხება 155 მმ კალიბრის საარტილერიო საბრძოლო მასალას. დიახ, ჩვენ დავიწყეთ წარმოება, მაგრამ ეს არ არის საკმარისი ფართომასშტაბური ომისთვის“, – აღნიშნა უკრაინის პრეზიდენტმა.
ზელენსკის თქმით, ახლა მთელი ევროპის წარმოების მოცულობაც კი არ არის საკმარისი უკრაინის საჭიროებების დასაკმაყოფილებლად.
კომენტარები