თურქეთის დაზვერვამ პოლიციასთან ერთად სტამბულში დააკავა მამაკაცი, რომელიც იანვარში სანტა მარიას კათოლიკურ ეკლესიაზე შეიარაღებული თავდასხმის ერთ-ერთი ორგანიზატორია. ინფორმაციას სააგენტო Anadolu Agency ავრცელებს.
დაკავებული ვისხან სოლტამატიევია. მედიის ცნობით, ის ტერორისტული ორგანიზაცია „ისლამური სახელმწიფოს“ წევრია. გამოძიების მასალებით ირკვევა, რომ ბრალდებული თავდასხმის შემსრულებლებს იარაღით ამარაგებდა.
სტამბულის რაიონ სარიერში მდებარე სანტა მარიას კათოლიკურ ეკლესიაზე თავდასხმა 28 იანვარს მოხდა. ორმა ნიღბიანმა ადამიანმა საკვირაო წირვის დროს ცეცხლის გახსნა, რის შედეგადაც თურქეთის 52 წლის მოქალაქე თუნჯერ ჯიჰანი დაიღუპა. მოგვიანებით გამოძიების ფარგლებში პოლიციამ ათობით ადამიანი დააკავა.
კომენტარები