რა მიზანიც ჰქონდათ, ეს მიზანი ნამდვილად ვერ შეასრულეს. ბესო ხარძიანს დარჩა ოჯახი, რომელიც ამ საქმეს ბოლომდე გაჰყვება, – განუცხადა „იმედის კვირას“ დაზარალებულმა, ბესო ხარძიანმა.
მან მამის მკვლელობის საქმეზე ისაუბრა და მომხდარში „ნაციონალური მოძრაობა“ დაადანაშაულა.
„ერთი თავი თუ მოგვაჭრეს, იმ ერთი თავის მაგივრად ცხრა თავი ამოვიდა, ასე, რომ შემიძლია, აქედან ვუთხრა, ვერ ეღირსებიან ვერასდროს ამ ხელისუფლებაში დაბრუნებას. უნდათ „ახლები“ დაირქვან, უნდათ „უფრო ახლები“ და რა სახელიც არ უნდა შეიცვალონ, მე მათი ფერისცვალების არ მჯერა. მათი მეთოდები გვახსოვს და ჩემს გარდა, ბევრს ახსოვს“.
ის ადამიანები, რომლებიც კადრულობენ, რომ მეორე ადამიანს ჩამოართვან, აახიონ, წაართვან რაიმე, არ აქვს მნიშვნელობა, ეს კუს ტბა იქნება თუ სხვა რაიმე, სწორედ ამიტომ ფიქრობდა (მოკლული ბესიკ ხარძიანი), რომ ეს ადამიანები იმასაც იკადრებდნენ, რომ მისი ლიკვიდაცია მოეხდინათ, – აღნიშნა ხარძიანმა.
დაზარალებულმა ასევე იმედი გამოთქვა, რომ სამართალდამცველების მიერ თურქეთიდან ექსტრადირებული, ბესიკ ხარძიანის მკვლელობაში მსჯავრდებული, ფარიდ გურბანოვი მკვლელობის შემკვეთს დაასახელებს.
„ერთი რამ ზუსტად ვიცი, რომ ამ ადამიანმა, რომელიც ჩამოიყვანეს უშუალოდ მკვლელი და შემსრულებელი, ჩვენზე მეტი ნამდვილად იცის. აბა სხვა რისი იმედი უნდა გვქონდეს. მან უნდა დაასახელოს პიროვნება, რომელმაც შეუკვეთა მკვლელობა“, – განაცხადა ხარძიანმა.