ხალხის ნაძარცვი ფულით ქვეყნის არევის მცდელობა, ანტისახელმწიფოებრივი პოლიტიკის გატარება და ცრუ დაპირებების გაცემა ყველაზე ეფექტურად შეუძლია რადიკალურ ოპოზიციას და ეს საქმითაც ბევრჯერ დაამტკიცეს. პოლიტიკური სინდისი მაშინაც კი არ აწუხებთ როდესაც ამომრჩეველს 14 მილიარდიანი ევროპული დახმარების გამოყოფაზე ესაუბრებიან, – განაცხადა ტელეკომპანია „იმედის“ გენერალური დირექტორის მოადგილემ, გადაცემა „იმედის კვირის“ წამყვანმა, ირაკლი ჩიხლაძემ.
„14 მილიარდ ევროს გვპირდებიან გიორგი ვაშაძე და თინა ბოკუჩავა უცხოური დახმარების სახით. ზუსტად ვიცი რომ არავის მათ მხარდამჭერებსაც კი არ სჯერათ ამ ტყუილის , რეკორდი მოხსნა ცრუ დაპირების მასშტაბმა და დიაპაზონმა მაგრამ მთავარი მაინც ის არის რომ რადიკალებს ამ ქვეყნის მოქალაქეები გაუნათლებლები, უწიგნურები და პოლიტიკური ანალიზის უნარწართმეული ჰქონიათ აბა როგორ შეიძლება ასეთი ტყუილი აკადრო ამომრჩეველს.
არც ხაზარაძე -ჯაფარიძე ჩამორჩება ბოკუჩავა ვაშაძეს. არჩევნებში განმარჯვების შემთხვევაში დაუყოვნებლივ ათას ლარიან პენსიებს, რომ ჰპირდება პენსიონერებს, ესეც ხომ ტყუილი და ცრუ დაპირებაა.
ყოფილმა ბანკირებმა თავის დროზე იმით გაითქვეს სახელი რომ სააკაშვილთან ერთად ბიზნესტერორს უწყობდნენ ხელს და ხალხს პროცენტებში ახრჩობდნენ.
და დღეს, პოლიტიკაში წარმოდგენილები პენსიის ზრდაზე საუბრობენ, რომელიც აუცილებლად უნდა გაიზარდოს და აუცილებლად უნდა იყოს იმხელა რომ ღირსეული სიბერე ჰქონდეს ყველას, მაგრამ ხომ გააჩნია რეალისტურია თუ პოპულისტური, ეს დაპირება.