პარტია „ქართული ოცნების“ გურიის დელეგატი ვასილ ჩიგოგიძე, ოზურგეთის სოფლების: კონჭკათის, თხინვალის, ნაღობილევის, მერიისა და ხვარბეთის მოსახლეობას შეხვდა.
შეხვედრაზე მოქალაქეებმა წყალმომარაგების სისტემის მოწყობა დაასახელეს პრიორიტეტად. დელეგატის თქმით, უკვე მომზადებულია სამი სოფლის წყალმომარაგების პროექტი და შესაბამისი პროცედურების გავლის შემდეგ დაიწყება სამუშაოები. ასევე, გოგორეთის უბანში ახალგაზრდების თხოვნა იყო, რომ სტადიონი ჰქონოდათ და უახლოეს მომავალში მოეწყობა ახალი სპორტული მოედანი. ასევე შეჯამდა, სოფლებში ფონდი „ქართუს“ მხარდაჭერით განხორციელებული პროექტები.
ზაალ ჩიგოგიძის თქმით, აღნიშნულ სოფლებში ფონდი „ქართუს“ და ცენტრალური ხელისუფლების მხარდაჭერით არაერთი ინფრასტრუქტურული პროექტი განხორციელდა.
„მინდა, თითოეულ მოქალაქეს მადლობა გადავუხადო ძლიერი მხარდაჭერისთვის და საარჩევნო კამპანიაში აქტიური ჩართულობისთვის. ობიექტური შეფასებების მოსმენა მეტ სტიმულს გვაძლევს, ჩვენ ერთად ოზურგეთის წარმატებისთვის ყველაფერს გავაკეთებთ,“- განაცხადა ზაალ ჩიგოგიძემ.
შეხვედრას ასევე ესწრებოდნენ, გურიის გუბერნატორი – გიორგი ურუშაძე, ოზურგეთის საკრებულოს თავმჯდომარე – დავით დარჩია და მერიის დეპუტატი- გელა აროშიძე.