ისრაელი დიდი ხნის განმავლობაში ამზადებდა რთულ ოპერაციას, რომელიც ლიბანის ტერიტორიაზე პეიჯერების აფეთქებას გულისხმობდა. მან წინასწარ შექმნა მოწყობილობების დამამზადებელი ყალბი კომპანია, ინფორმაციას The New York Times-ი ავრცელებს.
როგორც გამოცემას საკუთარი წყაროები უყვებიან, ლიბანში პეიჯერების აფეთქების უკან ისრაელი დგას. ისრაელმა შექმნა ყალბი კომპანია, რომელიც თავს პეიჯერების საერთაშორისო მწარმოებლად ასაღებდა.
ბუდაპეშტში დარეგისტრირებულ BAC Consulting-ი, წყაროების ცნობით, ებრაული კომპანიების ქსელის ნაწილი იყო. გარდა ამისა, ისრაელმა კიდევ ორი ყალბი კომპანია შექმნა, რათა ოპერაციაში მონაწილე პირების ვინაობა დაემალა, რომლებიც ისრაელის დაზვერვის თანამშრომლები იყვნენ.
ამასთან ერთად, როგორც გამოცემა ამტკიცებს, BAC Consulting-ი რიგით კლიენტებსაც ემსახურებოდა. ის მათთვის კავშირგაბმულობის საშუალებებს აწყობდა, თუმცა მის ძირითად კლიენტად „ჰეზბოლა“ იყო.