უკვე 9 არჩევნებია, ქართველი ხალხის უმრავლესობამ არჩევანი „ქართულ ოცნებაზე“ გააკეთა, არა იმიტომ რომ ეს საუკეთესო არჩევანია საქართველოსთვის, არამედ იმიტომ, რომ ალტერნატივა მუდმივად არის „ნაციონალური მოძრაობა“ და მისი ანასხლეტები. რეჟიმი, რომელიც ქართველმა ხალხმა გამოიარა და მმართველობიდან მოიშორა, არ უნდათ დაბრუნდეს, – განაცხადა „დღის ქრონიკაში“ საზოგადოებრივი მოძრაობა „ერთიანი ნეიტრალური საქართველოს“ დამფუძნებელმა ნანა კაკაბაძემ.
„გაეროს 57-ე კონფერენციაზე განვაცხადე, რომ მუდმივად ფინანსდება ისეთი ჯგუფები, რომლებიც მართლა რეალურ ოპოზიციას არ წარმოადგენენ და მართლა ქვეყნის ბედი კი არ აინტერესებთ, მათი ერთადერთი ინტერესია, ნებისმიერ ფასად მოიპოვონ ძალაუფლება, თუნდაც ეს იყოს ქვეყნის განადგურება ან ომში ჩართვაა. რაც მთავარია, ამის დაფინანსება და მხარდაჭერა ხდება დასავლეთიდან, რომელიც ქართველი ხალხისთვის ყოვლად მიუღებელია“, – აღნიშნა ნანა კაკაბაძემ.