სოციალურ ქსელში თბილისში Pink Floyd-ის კონცერტის გამართვის შესახებ ცრუ ინფორმაცია ვრცელდება. ინფორმაციას, თითქოს, მიხეილ მესხის სახელობის სტადიონზე 5 ოქტომბერს კონცერტია დაგეგმილი, გვერდი BSAFest ავრცელებს.
ინფორმაციაზე ასევე მიბმულია ვებგვერდი, რომლის საშუალებითაც, თითქოს ბილეთების ყიდვაა შესაძლებელი. ბილეთების ღირებულებად კი 100, 150 და 200 ლარია მითითებული. აღსანიშნავია, რომ BSAFest ფეისბუქ-გვერდი რამდენიმე კვირის წინ არის შექმნილი და იქ სხვა აქტივობა არ იძებნება.
თბილისში დაგეგმილი კონცერტის შესახებ ინფორმაცია არ იძებნება ასევე Pink Floyd-ის ოფიციალურ გვერდებზე.
კომენტარები