კინო და ტელეოპერატორების საერთაშორისო ფესტივალზე ნომინაციაში „სარისკო კადრი“ გამარჯვებულად მიშო ბიძინაშვილი დასახელდა.
„დღეს, „იმედის კვირის“ გუნდისთვის ძალიან საამაყო და სევდიანი დღეა.
ჩვენთვის არცერთი კვირა და არცერთი წუთი არ არის მიშოს გარეშე – მის კადრებს ძალიან ხშირად ხედავთ ეკრანზე და ასე იქნება მომავალშიც. იმდენი გამორჩეული კადრი დატოვა, რომ თამამად შემიძლია გითხრათ, რომ „იმედის კვირისთვის“ მიშო ახლაც მუშაობს.
შეიძლება, ვინმეს ხმამაღალ ნათქვამად მოეჩვენოს, მაგრამ სულაც არ გაგვკვირვებია, რომ კინო და ტელეოპერატორების საერთაშორისო ფესტივალზე გამარჯვებულად მიშო დასახელდა.
ჩვენი გუნდის კიდევ ერთი წევრი გიორგი ძოწენიძე გამარჯვებულია ნომინაციაში „საუკეთესო ოპერატორული ნამუშევარი და კადრი“. ეს პრიზი გიორგიმ უკვე მეორედ აიღო. გიორგისთვის ძალიან რთული იყო. დაჯილდოებისას როდესაც მიშოს ჯილდოს მისაღებადაც მას მოუწია სცენაზე ასვლა.
ბიჭებო „იმედი“ ამაყობს თქვენით,“ – აღნიშნა ტელეკომპანია „იმედის“ გენერალური დირექტორის მოადგილემ, გადაცემა „იმედის კვირის“ წამყვანმა ირაკლი ჩიხლაძემ.