უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთმა უკრაინული ქალაქი სუმი დაბომბა, რის შედეგადაც რვა ადამიანი გარდაიცვალა.
ზელენსკის მტკიცებით, რუსეთი სუმის „შაჰედის“ ტიპის უპილოტო საფრენი აპარატებით დაესხა თავს. დაიბომბა საავადმყოფო. 11 ადამიანი დაიჭრა, ხოლო 113 ადამიანის ევაკუაცია მოხერხდა.
მისი თქმით, სამაშველო ოპერაცია ამ დრომდე გრძელდება. „ვმუშაობთ შედეგების ლიკვიდაციაზე, სიცოცხლეების გადარჩენას ვცდილობთ. მაქსიმუმს ვაკეთებთ, რათა ჩვენს ხალხს საჭირო დახმარება აღმოვუჩინოთ“, – ამბობს ზელენსკი.
მისი თქმით, რუსეთი ეომება საავადმყოფოებს, სამოქალაქო ობიექტებს. „რუსეთს მშვიდობას მხოლოდ ძალა აიძულებს. მშვიდობა ძალის მეშვეობით – ერთადერთი სწორი გზაა“, – დასძინა უკრაინის ლიდერმა.
კომენტარები