“ბატონებო ვერანაირ წარმატებას ვერ მიაღწევთ, საქართველოშიც და ემიგრაციაშიც მოსახლეობამ შესანიშნავად იცის თქვენი გავლილი გზა”

ბატონებო, ემიგრაციის იმედი ტყუილად გაქვთ და არა მარტო – სამშობლოში ვერანაირ წარმატებას ვერ მიაღწევთ, – განაცხადა საპარლამენტო უმრავლესობის წევრმა ვიქტორ ჯაფარიძემ რადიკალური ოპოზიციის მისამართით.

დეპუტატი ბარსელონაში „ქართული ოცნების“ მხარდამჭერთა კლუბის გახსნას დაესწრო.

„თავად ხედავთ, როგორი მოტივირებული ადამიანები არიან [ემიგრანტები] ყველა თაობის ადამიანი ბრძანდება და შესანიშნავად ფლობენ ინფორმაციას, რა ხდება საქართველოში. შესანიშნავად იციან მშვიდობის, ოჯახური ღირებულებების, ლგბტ პროპაგანდის აკრძალვის ფასი. ბატონებო, ემიგრაციის იმედი ტყუილად გაქვთ და არა მარტო – სამშობლოში ვერანაირ წარმატებას ვერ მიაღწევთ, რამეთუ მოსახლეობამ შესანიშნავად იცის საქართველოშიც და ემიგრაციაშიც თქვენი გავლილი გზა და ის შეურაცხყოფა, რაც ჩვენს სამშობლოს მიაყენეთ“, – აღნიშნა ჯაფარიძემ.