მშვიდობის მნიშვნელობაზე ისაუბრა მუსიკოსმა დავით ევგენიძემ, რომელიც ქუთაისში ბაგრატის ტაძრის ეზოში მუსიკოსებს შეხვდა. დავით ევგენიძემ საკუთარი კომპოზიცია შეასრულა, ასევე ადგილობრივ მუსიკოსებს საშუალება მისცა აუდიტორიისთვის რამდენიმე ნაწარმოები წარედგინათ.
კომპოზიტორი მიიჩნევს, რომ მშვიდობა არის კაცობრიობისთვის ბედნიერება და ქართველი ხალხი იმსახურებს ამ ბედნიერებას.
„მუსიკა მშვიდობაა თვითონ და მშვიდობაა – მუსიკა. ეს არის უპირველესი კაცობრიობის ბედნიერებისთვის. იმაზე დიდი ბედნიერება, როცა არ არის ომი და მშვიდობაა, არ არსებობს. ქართველი ხალხი იმსახურებს ამას, რადგან საუკუნეები იბრძოდა თავის იდენტობისთვის და შევინარჩუნეთ ენა, მამული სარწმუნოება. უბედნიერესი ვარ, რომ საქართველოში დავიბადე“, – განაცხადა დავით ევგენიძემ.
კომენტარები