უნგრეთის საგარეო საქმეთა მინისტრი აცხადებს, რომ 2022 წელს, შეერთებული შტატების მხრიდან, უნგრეთის არჩევნებში ჩარევის მცდელობა იყო. პიტერ სიიარტოს მტკიცებით, გავლენის მოსახდენად და ქვეყნის ამჟამინდელი მთავრობის მოსაშორებლად, შტატებმა რამდენიმე მილიონი დოლარი დახარჯა.
„რამდენადაც ჩემთვის ცნობილია, 2022 წელს ჩვენს საარჩევნო კამპანიაზე გავლენის მოხდენის მცდელობისთვის, დიდი ძალისხმევა იყო გაწეული ოკეანის გადაღმიდან. ეს ძალიან ძლიერი წნეხი იყო. ბევრი მილიონი დოლარი დაიხარჯა, რათა უნგრეთის მოქმედი ხელისუფლება მოეშორებინათ. ოპოზიციაში ჩადებული უდიდესი ინვესტიციების მიუხედავად, დიდი სხვაობით გავიმარჯვეთ. მმართველმა ძალამ ამომრჩევლის რეკორდული მხარდაჭერა მოიპოვა. ჩვენ ელექტორატის 54 % მოგვემხრო, ოპოზიციას – 35%. ვიმედოვნებ, ჩარევის მომავალი მცდელობებიც ასეთივე შედეგით დასრულდება“, – განაცხადა სიიარტომ.