საქართველოს პრემიერ-მინისტრმა, ირაკლი კობახიძემ რუხის რესპუბლიკური საავადმყოფო დაათვალიერა, რომელიც მაღალი ხარისხის, თანამედროვე სამედიცინო აპარატურით აღიჭურვა.
სამედიცინო დაწესებულებაში 2024 წელს წარმოებული უახლესი მაგნიტორეზონანსული ტომოგრაფიის აპარატია განთავსებული. სამედიცინო დანადგარი, პაციენტებს შესაძლებლობას აძლევს, ადგილზე, რეგიონიდან გაუსვლელად მაგნიტო-რეზონანსული ღრმა კვლევებით ისარგებლონ.
ორ მილიონ ნახევარი დოლარის ღირებულების, ხელოვნური ინტელექტის მქონე აპარატი, სამი ტესლა მოდელისაა. სამედიცინო აპარატურით მომსახურება მოქალაქეებს დღეიდან შეეძლებათ. რუხის რესპუბლიკურ საავადმყოფოში, ასევე, განთავსებულია ანგიოგრაფიის აპარატიც. პაციენტებს, რუხის რესპუბლიკურ საავადმყოფოში ქიმიოთერაპიის სერვისით სარგებლობაც შეუძლიათ.
გასულ თვეს, აღნიშნული სამედიცინო მომსახურებით 107 -მა ონკოლოგიური დიაგნოზის მქონე პაციენტმა ისარგებლა. რუხის რესპუბლიკური საავადმყოფოს სტრატეგიული ადგილმდებარეობიდან გამომდინარე, სერვისებით ხშირად სარგებლობენ დროებით ოკუპირებულ ტერიტორიაზე მცხოვრები მოქალაქეები.