აშშ-ის პრეზიდენტმა ჯო ბაიდენმა უკრაინას სამხედრო დახმარების ახალი პაკეტი გამოუყო, რომლის საერთო ღირებულება 425 მილიონი დოლარია. ინფორმაციას თეთრი სახლი ავრცელებს.
თეთრი სახლის მტკიცებით, ბაიდენმა უკვე გამართა სატელეფონო საუბარი უკრაინის პრეზიდენტთან ვოლოდიმირ ზელენსკისთან და შეატყობინა მას საკუთარი გადაწყვეტილების შესახებ.
სამხედრო დახმარების ახალ პაკეტში შევა საჰაერო თავდაცვის საშუალებები, „ჰაერი-ხმელეთის“ ტიპის შეიარაღება, შეჯავშნილი მანქანები და კრიტიკული შეიარაღება, რომელიც სასწრაფოდ ესაჭიროება უკრაინას.
მომდევნო თვეებში აშშ გადასცემს უკრაინას დიდი ოდენობით, ასობით ჰაერსაწინააღმდეგო სისტემების ჭურვებსა და რაკეტებს, საარტილერიო სისტემებს, ტყვია-წამლის დიდ რაოდენობას, ასობით ქვეითთა საბრძოლო მანქანებს და ათასობით შეჯავშნილ მანქანებს.
ეს ყველაფერი უკრაინას საკუთარი ჯარის უკეთეს აღჭურვაში დაეხმარება, განაცხადეს თეთრ სახლში.