პარტია „ხალხის ძალის“ წევრი დავით ქართველიშვილი მსოფლიო ბანკის მიერ საქართველოს 2024 წლის ეკონომიკური ზრდის პროგნოზს სოციალურ ქსელში ეხმიანება.
ექსპერტი აღნიშნავს, რომ ეკონომიკური წინსვლისა და სტაბილურობის ჩამოშლა სურს ოპოზიციას და მათ უცხოელ პატრონებს, ამის მცდელობა კი მათ 27 ოქტომბერს ექნებათ. მისი თქმით, ქვეყნის წარმატება რადიკალების სიკვდილს ნიშნავს.
დავით ქართველიშვილის თქმით, რადიკალების გეგმა ქვეყანაში არეულობა გამოიწვიონ გმირული ვერ იქნება, რადგან მათ ყველაზე მეტად გმირობის, თავგანწირვისა და ქვეყნის დაცვის ეშინიათ.
„ამის ჩამოშლა უნდათ კოლექტიურად, ადგილობრივ სექტას, მათ შემქმნელ საერთაშორისო ძალებს. საქართველოს წინსვლაში მათი სიკვდილია, წარმატებული ქვეყანა მათი მესაფლავეა. ამიტომ, მცდელობა 27 ოქტომბერს იქნება, მაგრამ იქნება განწირული ხასიათის. გმირული და თავდადებული – ვერა. ამას შინაგანი ღერძი, ხერხემალი და ერთი ადგილის ქონა სჭირდება, რაც არ გააჩნიათ. ცხოვრებაში ყველაზე მაგრად – ტკივილის, თავგანწირვის, ბრძოლის, ქვეყნის დაცვის ეშინიათ “გოგლი-მოგლიზე” და ფუფუნებაში გაზრდილ ლიბერალ-თაობებს. აი, 2008 წელს აგვისტოში ერთმანეთს რომ ასწრებდნენ “წითელ ხიდზე” და მათ ბიოლოგიურ და იდეოლოგიურ შთამომავლობას. ხოლო, მათი მსხვერპლად შეწირვის მსურველი კი ბევრია. ამისთვის გვიგზავნიან უკანასკნელი ოთხი საპარლამენტო არჩევნების წინ დაქირავებულ კილერებს და ტერორისტებს. საკუთარ რიგებში სისხლის დაღვრით, მასშტაბური საზოგადოებრივი ვნებათაღელვის გამოწვევის მიზნით. ჩვენ ეს არ უნდა დავუშვათ“, – წერს დავით ქართველიშვილი სოციალურ ქსელში.