მას შემდეგ, რაც უკრაინის მიერ წარმოდგენილი გამარჯვების გეგმა სრულად განხორციელდება, რუსეთს მშვიდობის სამიტზე ვიხილავთ, – განაცხადა უკრაინის პრეზიდენტმა, ვოლოდიმირ ზელენსკიმ „ყირიმის პლატფორმის“ სამიტზე სიტყვით გამოსვლისას.
ზელენსკის თქმით, უკრაინამ თავის პარტნიორებს წარუდგინა გამარჯვების გეგმა, რომელიც შეიცავს ყველაფერს, რაც აუცილებელია იმისათვის, რომ რუსეთს არ ჰქონდეს სხვა ალტერნატივა, გარდა სამართლიანი მშვიდობისა.
„როდესაც და თუ გამარჯვების გეგმა სრულად განხორციელდება, ჩვენ ვიხილავთ რუსეთს მშვიდობის სამიტზე. ჩვენ დავინახავთ, რომ მშვიდობის ფორმულა განხორციელდა. ჩვენ დავინახავთ გაეროს წესდების მიზნებისა და პრინციპების სრულად აღდგენილ ეფექტურობას“, – აღნიშნა უკრაინის პრეზიდენტმა.
კომენტარები