უკრაინის საჰაერო თავდაცვამ რუსეთის მიერ უკრაინის სხვადასხვა რეგიონში გაშვებული 63 დრონიდან 36-ის განადგურება შეძლო.
ამის შესახებ ინფორმაციას უკრაინის საჰაერო ძალების პრესსამსახური ავრცელებს.
აღინიშნება, რომ დრონების უმეტესობა კიევისა და ოდესის სამხრეთ რეგიონებში ჩამოაგდეს, ხოლო 16 დრონის კვალი დაიკარგა.
კიევის საქალაქო ადმინისტრაციაში აცხადებენ, რომ რუსეთმა უკრაინის დედაქალაქზე მიმდინარე თვეში უკვე 15 საჰაერო თავდასხმა განახორციელა.
კიევის საქალაქო ადმინისტრაციის ხელმძღვანელი სერგეი პოპკო აცხადებს, რომ რუსეთი უკრაინის დედაქალაქს დაახლოებით 4 საათის განმავლობაში უტევდა.
კიევის მიმდებარედ ათზე მეტი დრონი ჩამოაგდეს, რის შედეგადაც ხანძარი გაჩნდა.
დაშავებულთა შესახებ ამ დრომდე ინფორმაცია არ გავრცელებულა.
კომენტარები