მასობრივად ხდება დარეკვა უცხოეთიდან +48-ით იწყება ეს ნომერი კომისიის წევრებთან, ჩვენს კომისიის წევრებთან, ნეიტრალურ კომისიის წევრებთანაც ხორციელდება ეს ზარები, ოპოზიციის კომისიის წევრებთანაც. ერთადერთი თხოვნა მექნება კომისიის წევრებისთვის, მნიშვნელობა არ აქვს ნეიტრალურია, ჩვენია, თუ ოპოზიციისა და შეგახსენებთ, რომ ოპოზიციის 8 წარმომადგენელია კომისიაში, რომ არ აჰყვნენ ასეთი ტიპის პროვოკაციებს, – განაცხადა ფრაქცია „ქართული ოცნების” დეპუტატმა, ლევან მაჭავარიანმა.
მისი თქმით, ასეთი ზარები ემსახურება მხოლოდ ერთ რაღაცას, რომ რაღაც ანგარიშში შემდეგ მოხდეს გაურკვეველი ტიპის დარღვევების ასახვა.
„ასეთი ზარები ემსახურება მხოლოდ ერთ რაღაცას, რომ რაღაც ანგარიშში შემდეგ თითქოსდა რაღაც ტიპის დარღვევები აისახოს და ყველას მოგიწოდებთ, ვინც ხართ კომისიაში, რომ საერთოდ არ უპასუხოთ ამ ნომერს, შეასრულეთ თქვენი საქმე კანონთან შესაბამისობაში, ერთ მილიმეტრიანი გადაცდომაც არ გააკეთოთ, რაც იცით, რომ არის თქვენი გასაკეთებელი კანონის ფარგლებში გააკეთეთ მხოლოდ ეს საქმე. თუ თქვენ ხართ ქვეყნის პატრიოტები და თქვენ თუ გინდათ, რომ არჩევნებმა ჩაიაროს უპრეცედენტოდ მშვიდ გარემოში არცერთი დარღვევა არ უნდა დაფიქსირდეს და ძალიან გთხოვთ, არა მარტო ჩვენს კომისიის წევრებს, ნეიტრალურ წევრებსაც და ოპოზიციის წევრებსაც, ძალიან გთხოვთ რომ შეასრულეთ თქვენი საქმიანობა 100 %-ით და მილიმეტრით არ გადასცდეთ არაფერს,“- აღნიშნა ლევან მაჭავარიანმა.