საქართველოში მცხოვრები ადამიანები თავისი თვალით ხედავენ იმას, თუ როგორ ვითარდება ეს ქვეყანა. ამიტომ ამ პროპაგანდას აქვს ბევრად ნაკლები გავლენა საქართველოში მცხოვრებ ადამიანებზე, ვიდრე იმ ადამიანებზე, რომლებიც ცხოვრობენ სხვა იურისდიქციის ქვეშ, – განაცხადა „ქართული ოცნების“ საარჩევნო შტაბის ხელმძღვანელმა, პრემიერ-მინისტრმა ირაკლი კობახიძემ პარტიის ოფისში გამართულ ბრიფინგზე.
კობახიძეს ჰკითხეს, რას ეუბნება ის ფაქტი, რომ „ქართულმა ოცნებამ“ საზღვარგარეთის უბნებზე წააგო.
„ეს არის იმის ნიშანი, რომ ამ ადამიანებს [საზღვარგარეთ მყოფებს] აქვთ ინფორმაციის დეფიციტი. არის დეზინფორმაციის, პროპაგანდის ნიაღვარი. შენ საკუთარი თვალით თუ ვერ ხედავ იმას, თუ რა ხდება ქვეყანაში, შეიძლება ბევრად უფრო მარტივად მოექცე ამ პროპაგანდის გავლენის ქვეშ. საქართველოშიც ძალიან ძლიერია ეს პროპაგანდა და არის მთელი ნიაღვარი, ხელისუფლების ბულინგი და ა.შ. საბოლოო ჯამში, საქართველოში მცხოვრები ადამიანები თავისი თვალით ხედავენ იმას, თუ როგორ ვითარდება ეს ქვეყანა. ამიტომ ამ პროპაგანდას აქვს ბევრად ნაკლები გავლენა საქართველოში მცხოვრებ ადამიანებზე, ვიდრე იმ ადამიანებზე, რომლებიც ცხოვრობენ სხვა იურისდიქციის ქვეშ. ძალიან მარტივად აიხსნება შესაბამისად ეს განსხვავება“, – აღნიშნა კობახიძემ.