ისრაელს როდესაც სურს გააძლიეროს საკუთარი ქმედებების გავლენა ირანის წინააღმდეგ, ირანზე თავდასხმა არ უნდა ჩაითვალოს უმნიშვნელოდ, – ამის შესახებ ირანის სულიერმა ლიდერმა, აიათოლა ალი ხამენეიმ განაცხადა.
„ისინი შეცდომას უშვებენ ირანთან მიმართებით. მათ ჯერ კიდევ ვერ შეძლეს სწორად გაეგოთ ირანელი ხალხის ძალა, შესაძლებლობები, გამჭრიახობა და მისწრაფება. ჩვენ ეს ყველაფერი მათ უნდა გავაგებინოთ“, – აღნიშნა ხამენეიმ.
აიათოლა ალი ხამენეის თქმით, ვინც ფიქრობს, რომ ირანმა თავი უნდა აარიდოს იარაღის წარმოებას უკურეაქციის თავიდან ასაცილებლად, ცდება. ქვეყნის სუსტად შენარჩუნება მის უსაფრთხოებას არ უზრუნველყოფს. ირანის ლიდერმა ასევე დაგმო ისრაელის სამხედრო მოქმედებები ღაზაში.
„ომი მოქმედებს წესების, კანონებისა და შეზღუდვების ფარგლებში. ეს შეზღუდვები არ შეიძლება უბრალოდ უგულებელყოფილი იქნას. თუმცა, დამნაშავე ბანდამ, რომელიც მართავს ოკუპირებულ ტერიტორიებს, ყველა საზღვარი და წესი ფეხქვეშ გათელა“, – განაცხადა ხამენეიმ.