გუშინდელი ინციდენტები არ წარმოადგენენ ამ ქვეყანაში საარჩევნო პროცესში პრობლემების მაგალითს, – განაცხადა „იმედის კვირის“ ეთერში საერთაშორისო დამკვირვებელმა, ესპანეთის სენატის წევრმა, სენატორმა ბასკური ნაციონალისტური პარტიიდან, ლუკ ურიბ-ეჩებარია აპალატეგიმ.
„ჩემთვის, ამოსავალი წერტილი გახლავთ იმის განცხადება და ხაზგასმა, რომ გუშინდელი ინციდენტები არ წარმოადგენენ ამ ქვეყანაში საარჩევნო პროცესში პრობლემების მაგალითს. გუშინ მოქმედებდა 3 ათასზე მეტი საარჩევნო უბანი და აქედან მხოლოდ 11-ში იყო გარკვეული ხასიათის დარღვევები. ეს ნიშნავ, რომ ეს შემთხვევები ვერ გამოდგებიან საარჩევნო შედეგების ეჭვქვეშ დასაყენებლად. საარჩევნო კომისია, საარჩევნო სისტემა მუშაობს გამართულად, კადრები არიან პროფესიონალები და მოსახლეობას საკმაოდ სწრაფად მიეწოდა სწორი მონაცემები.“, – აღნიშნა საერთაშორისო დამკვირვებელმა.