სად არის „სამართლიანი არჩევნების“ პარალელური დათვლის შედეგები? ორგანიზაცია მონაცემებს მალავს, „ქართული ოცნება“ გასაჯაროებას მოითხოვს. ამ დასკვნას ჯერ კიდევ გუშინ ელოდა NDI. სწორედ ამიტომ პარლამენტის თავმჯდომარე „ეროვნულ – დემოკრატიული ინსტიტუტის“ პასუხისმგებლობაზეც საუბრობს.
საინტერესოა, რომ „სამართლიანმა არჩევნებმა“ პივიტის გამოქვეყენებაზე უარის თქმამდე დაწერა, რომ ორგანიზაციის მიერ ჩატარებული ხმების პარალელური დათვლის შედეგების ვერიფიკაცია ცესკოს მიერ გამოცხადებულ შედეგებს შეესაბამება. რა ხდება ახლა, ამის გარკვევას უშედეგოდ ვცდილობთ, სამართლიანი არცევნები კითხვებს არ პასუხობს, მმართველი გუნდი კი ეჭვობს, რომ ახლა ეს ორგანიზაცია ზეწოლას განიცდის. სავარაუდოდ, პირველადი ანგარიში შესაძლოა სრულიად შეცვლილი სახით გასაჯაროვდეს. ისე, როგორც ეს ოპოზიციას აძლევს ხელს.