კენტუკის შტატის ლორელის ოლქში მდებარე საარჩევნო უბანზე ხმის მიცემის აპარატთან დაკავშირებით ხარვეზი დაფიქსირდა, კერძოდ, დონალდ ტრამპის მონიშვნისას ხმა ავტომატურად კამალა ჰარისს უფიქსირდებოდა. ინფორმაციას ამის შესახებ ამერიკული მედია ავრცელებს.
გავრცელებული ვიდეომასალის თანახმად, ამომრჩეველმა არაერთხელ სცადა ხმა მიეცა დონალდ ტრამპისთვის, თუმცა ხმის მიცემის აპარატმა არ დააფიქსირა ამომრჩევლის არჩევანი და საბოლოოდ აირჩია ვიცე-პრეზიდენტი, კამალა ჰარისი.
საარჩევნო უბანზე დაადასტურეს ბიულეტენების მარკირების ერთ-ერთი მოწყობილობის გაუმართაობა.
„აპარატი ექსპლუატაციიდან ამოვიღეთ და გენერალური პროკურატურის წარმომადგენლის მოსვლას ველოდებით. არც ამ ინციდენტამდე და არც ამ ინციდენტის შემდეგ გაუმართაობის შემთხვევას არ ჰქონია ადგილი“, – აღნიშნა საარჩევნო უბნის წარმომადგენელმა.