გერმანიაში სტაბილურობა ნამდვილად უნგრეთის ინტერესშია, – ამის შესახებ უნგრეთის საგარეო საქმეთა მინისტრმა, პიტერ სიიარტომ მას შემდეგ განაცხადა, რაც ცნობილი გახდა, რომ გერმანიის მმართველი კოალიცია დაიშალა.
ამასთან, სიიარტომ ბუდაპეშტში ევროპული პოლიტიკური გაერთიანების სამიტზე გამართულ პრესკონფერენციაზე განაცხადა, გერმანია უნგრეთის ნომერ პირველი სავაჭრო პარტნიორია.
„ახლა მთელი ჩვენი სავაჭრო ბრუნვა დაახლოებით 270 მილიარდი ევროა. ასე რომ, წარმოიდგინეთ, რამდენად ვართ დაინტერესებული გერმანიის სტაბილურობით. ამიტომ, ერთი მხრივ, პოლიტიკურად შეგვიძლია, აქ სხვადასხვა სახის წინადადებები ჩამოვაყალიბოთ, მაგრამ ჩვენი ეროვნული ინტერესების თვალსაზრისით, ვამბობ, რომ გერმანიის სტაბილურობა ნამდვილად ჩვენს ინტერესშია. ჩვენ ვნახეთ ბოლო რეგიონული არჩევნების შედეგი. ვნახეთ, რომ გერმანელი ხალხი შეიძლება, არ იყოს ძალიან კმაყოფილი იმით, რაც ქვეყანაში ხდებოდა. ამას ვამბობ მხოლოდ შედეგებიდან გამომდინარე. ასე რომ, ამ შემთხვევაში, საუკეთესო გზაა ქვეყნის მოქალაქეებს მივანდოთ გადაწყვეტილების მიღება. ეს არის ზოგადი განცხადება. მე არ ვგულისხმობ რაიმე კონკრეტულს, რადგან ვერიდები“, – განაცხადა სიიარტომ.