აშშ-ის არჩეული პრეზიდენტის დონალდ ტრამპის სიძე ჯარედ კუშნერი თეთრი სახლის ახალ ადმინისტრაციაში არ იმუშავებს. ინფორმაციას The Financial Times-ი ავრცელებს.
როგორც გამოცემა აღნიშნავს, მიუხედავად იმისა, რომ კუშნერი პრეზიდენტის ადმინისტრაციის თანამშრომელი არ იქნება, მას ახლო აღმოსავლეთის პოლიტიკის საკითხებში კონსულტაციების გაწევა მაინც მოუწევს.
აღსანიშნავია, რომ 2017 – 2021 წლებში კუშნერი აშშ-ის პრეზიდენტის უფროსი მრჩევლის თანამდებობას იკავებდა. ის ისრაელთან ურთიერთობების საკითხებს კურირებდა. გარდა ამისა, ტრამპის სიძე „საუკუნის შეთანხმებაზე“ მუშაობდა, რომელიც ისრაელ-პალესტინის კონფლიქტის მოგვარებას ეხებოდა.
კომენტარები