ლიზა მარია პრესლი გარდაცვლილი შვილის გვამს სახლში ორი თვის განმავლობაში ინახავდა. ინფორმაციას CNN ავრცელებს.
ლიზა მარია პრესლის გარდაცვალების შემდგომ მისი მემუარები გამოქვეყნდა, რომელიც წერაც მომღერლის შვილმა რაილი კიოიმ დედის ჩანაწერებზე დაყრდნობით დაასრულა. სწორედ ამ მემუარებში ვკითხულობთ, რომ ლიზა მარიას 27 წლის ასაკში გარდაცვლილი შვილის, ბენჯამინის გვამი მორგის ნაცვლად სახლში 2 თვის განმავლობაში ჰქონდა დატოვებული.
„გვითხრეს, რომ თუკი გვამს სწორად, მშრალ ყინულში შევინახავდით შეგვეძლო სახლში დაგვეტოვებინა. დედაჩემისთვის ძალიან მნიშვნელოვანი იყო, დრო ჰქონოდა ბენჯამინთან გამოსამშვიდობებლად, ისე, როგორც ეს მამასთან ჰქონდა“, – წერს კიოი ლიზა მარია პრესლის მემუარებში.
მემუარებში ახსნილია, რომ ბენჯამინის გვამი სახლის ერთ-ერთ ოთახში იყო დასვენებული.
ბენჯამენ კიოი 27 წლის ასაკში 2020 წელს გარდაიცვალა. 2023 წელს კი 54 წლის ასაკში თავად ლიზა მარია პრესლი დაიღუპა.