ირანის ხელისუფლება უარყოფს აშშ-ის ბრალდებებს არჩეული პრეზიდენტის, დონალდ ტრამპის მკვლელობის შეთქმულებასთან დაკავშირებით.
აშშ-ის ოფიციალური პირების წინააღმდეგ მკვლელობის მცდელობებში ირანის მონაწილეობის შესახებ ბრალდებებს ირანის საგარეო საქმეთა სამინისტროს პრესსპიკერმა, ესმაილ ბაღეიმ უსაფუძვლო უწოდა.
ირანის საგარეო უწყების წარმომადგენელმა მიუთითა წარსულში გაკეთებულ მსგავს ბრალდებებზე, რომლებიც ირანის ისლამურმა რესპუბლიკამ კატეგორიულად უარყო და დაადასტურა მისი სიცრუე.
ირანის საგარეო საქმეთა სამინისტროში განაცხადეს, რომ ბრალდებები არის შემაშფოთებელი შეთქმულება, რომელიც ორგანიზებულია სიონისტური და ანტიირანული ჯგუფების მიერ, რომელიც მიზნად ისახავს კიდევ უფრო გაართულოს ურთიერთობები აშშ-ს და ირანს შორის.
ესმაილ ბაღეის თქმით, ირანის ისლამური რესპუბლიკა გამოიყენებს ყველა ლეგიტიმურ და ლეგალურ საშუალებას, როგორც შიდა, ისე საერთაშორისო დონეზე, ირანელი ხალხის უფლებების დასაცავად.