რუსეთის შეიარაღებულმა ძალებმა უკრაინის ხარკოვის ოლქში მდებარე ქალაქი კუპიანსკი დაბომბა, რის შედეგადაც ორი ადამიანი დაიღუპა. ინფორმაციას უკრაინული მედია ავრცელებს.
ხარკოვის საოლქო პროკურატურის წინასწარი ინფორმაციით, რუსეთმა კუპიანსკის დაბომბვისას კაბ-1500 ტიპის საავიაციო ბომბა გამოიყენა. გარდაცვლილთა ვინაობა უცნობია. ცნობილია მხოლოდ ის, რომ ერთი იყო ქალი, ხოლო მეორე – მამაკაცი. ისინი გამვლელები იყვნენ.
ავიაიერიშის შედეგად აგრეთვე დაშავდა 61 წლის მამაკაცი, განადგურდა 15 ავტოფარეხი, დაზიანდა მრავალბინიანი საცხოვრებელი კორპუსები, კერძო სახლები და სამეურნეო ფართები.
კომენტარები