რა ხდება ამ წუთებში თბილისის ცენტრალურ ნაწილში – დისკომფორტი, რომელსაც რამდენიმე ათეული ადამიანი გზებზე ქმნის. სანაპიროს ორივე მხარე გადაკეტილი იყო რამდენიმე წუთის წინ, – განაცხადა ტელეკომპანია „იმედის“ გენერალური დირექტორის მოადგილემ, გადაცემა „იმედის კვირის“ წამყვანმა, ირაკლი ჩიხლაძემ.
„დღეს „კოლექტიურმა ნაცმოძრაობამ“ აქცია თავისუფლების მოედანზე დააანონსა და შეკრების დროდ 18:00 საათი განსაზღვრა.
ნამდვილად გაბედული ნაბიჯია, როგორც თავად უყვართ თქმა, კადრი ვერ შექმნეს თუმცა მძღოლების ნერვებზე თამაში მოახერხეს. სავარაუდოდ, მათი მიზანიც სწორედ ესაა, რომ ვინმე მწყობრიდან გამოიყვანონ, შემდეგ სათავისოდ გამოიყენონ, რომ „აი, გვებრძვიან და ქუჩაში გადაადგილების შესაძლებლობას არ გვაძლევენო“ და ესეც მიაკერონ სახელისუფლებო გუნდს.
თავებს არ ვითვლით, თუმცა დრონი გინდ მაღლა აწიე გინდ დაბლა ჩამოწიე – რეალობა ესაა, რაცაა.
და ამ ფონზე ახალი იდეაც გაუჩნდათ, კომიკური იდეა – ოპოზიციამ დაიწყოს პოზიციონირება, როგორც არჩეულმა ხელისუფლებამ. ეს დატესტეს დღეს და გაავრცელეს ინფორმაცია. ზურაბიშვილის ტექნიკური მთავრობის არ იყოს, ესეც მორგი გასართობი მოიფიქრეს. მხარდამჭერები არ ჰყავთ, შესაშური იდეები კი არ აკლიათ“, – აღნიშნა ირაკლი ჩიხლაძემ.