ჭავჭავაძის პიკეტირებით ოპოზიციამ სატრანსპორტო კოლაფსი შექმნა თბილისის ცენტრში. მთლიანად პარალიზებული გახდა სატრანსპორტო მოძრაობა როგორც ჭავჭავაძის გამზირზე, ისე მელიქიშვილზე, ვარაზისხევზე, კეკელიძის ქუჩაზე. მომხდარმა მგზავრების და მძღოლების უკმაყოფილება გამოიწვია, რასაც მოჰყვა რიგითი მოქალაქეების სიტყვიერი დაპირისპირება აქციის ორგანიზატორებთან და მონაწილეებთან.
მძღოლები გზის გახსნას და გადაადგილების შესაძლებლობას ითხოვდნენ. აქციის მონაწილეები კი მძღოლებს ურჩევდნენ, ავტომანქანები დაეპარკინგებინათ და ფეხით გაეგრძელებინათ გზა.
ვითარება სამართალდამცველებმა განმუხტეს და ავტომანქანების ტერიტორიიდან გაყვანა უზრუნველყვეს.
კომენტარები