მე ერთადერთ რაც ვიცი იმ პარტნიორებისგან, რომელთანაც სალომე ზურაბიშვილი საუბრობს, არის ის, რომ ეს საუბრები მასთან ყველას უკვე მობეზრებული აქვს და აქეთ არის შემოთვლები, რომ თავი მოაბეზრა იმ ხალს იმ ტყუილებით, რომელსაც საკუთარი ქვეყნის წინააღმდეგ ავრცელებს, – განაცხადა საქართველოს პარლამენტის თავმჯდომარე შალვა პაპუაშვილმა გადაცემა „იმედი LIVE“-ში.
მისი თქმით, ზურაბიშვილმა პრეზიდენტის ინსტიტუტს ძლიერი ზიანი მიაყენა, თუმცა ამას აღმოფხვრის ის ადამიანი, რომელიც მალე არჩეული იქნება პრეზიდენტის პოსტზე.
„ადამიანი გამოვიდა და თქვა, რომ ეს იყო რუსული სპეცოპერაცია. სერიოზულია გერქვას საქართველოს პრეზიდენტი და შენს ქვეყანას აბრალებდე იმას, რომ მოხდა უცხო ქვეყნის ჩარევა და ეს თქვა ჭორად. ამ არასერიოზულობაზე რა პასუხი უნდა გვქონდეს, გარდა იმისა, რომ მალე გვეყოლება ახალი პრეზიდენტი, რომელსაც ექნება ძალიან რთული ამოცანა, რადგან ქალბატონმა სალომემ, მისმა მოკავშირე ენჯეოებმა, ოპოზიციამ და უცხოელებმა ისე დააზიანეს ეს ინსტიტუტი, დრო დასჭირდება რომ ეს ზიანი აღმოიფხვრას. დაიგულა რა მან ნაცმოძრაობის მხარდაჭერა პარლამენტში, თქვა, რომ აღარ აინტერესებს კონსტიტუცია, დაარღვევს კონსტიტუციას და იქნება თანამდებობაზე, რაც მთავარია ამას ხელი შეუწყო უცხოელმა პარტნიორებმა – გერმანიაში ვიზიტი, ბრიუსელში ვიზიტი. ამას გვიკეთებდა ხალხი, რომელიც გვეუბნება ქართველო ხალხო პატივს გცემთო. ქართველი ხალხის პატივისცემა ისაა ხინკალი და ხაჭაპური რომ მოგწონს, თუ სახელმწიფოსა და კონსტიტუციის პატივისცემაა უპირველეს ყოვლისა. რომ მოიწვევ ხან ბერლინში, ხან ბრიუსელში, ხან საფრანგეთში, რომელსაც არ ექნება მთავრობის თანხმობა ვიზიტზე და ახლაც აქვს გეგმები რომ გავიდეს ქვეყნიდან, ამით ხომ ამბობ, რომ არ გვაინტერესებს თქვენი კონსტიტუცია, ჩვენ ვართ „უფროსი ძმები“ და ახლა თქვენი კონსტიტუცია გვადარდეთო. ამ დამოკიდებულების გამო იყო მათ შორის, ქუდზე კაცი რომ გამოვიდა და რიგები დადგა [საარჩევნო უბნებთან]. ყველას ვარწმუნებ, რომ ეს მძიმე ზიანი რაც სალომე ზურაბიშვილმა მიაყენა საქართველოს და პრეზიდენტის ინსტიტუტს, ამ ყველა ზიანს აღმოფხვრის ადამიანი, რომელსაც ავირჩევთ პრეზიდენტად და რომელიც ღირსეულად წაუძღვება ჩვენს ქვეყანას“, – განაცხადა პაპუაშვილმა.