გერმანიის ყოფილი კანცლერი ანგელა მერკელი ახალ მემუარებში აღიარებს, რომ 2008 წლის ნატოს ბუქარესტის სამიტზე საქართველოსა და უკრაინისთვის MAP-ის მიცემას რუსეთის მიერ სამხედრო რეაგირების შიშით შეეწინააღმდეგა.
ანგელა მერკელი თავის წიგნში წერს, რომ ჩრდილოატლანტიკურ ალიანსში ახალი წევრის მიღება უსაფრთხოების მომტანი უნდა ყოფილიყო არა მხოლოდ ახალი მოკავშირისთვის, არამედ თავად ნატოსთვისაც.
გერმანიის ყოფილი კანცლერი მიიჩნევს, რომ ალიანსში გაწევრიანების სამოქმედო გეგმა უკრაინასა და საქართველოს პუტინის აგრესიისგან ვერ დაიცავდა და იმ დროისთვის ნაკლებად წარმოსადგენი იყო, რომ საჭიროების შემთხვევაში, მოსკოვს ნატოს წევრი ქვეყნები სამხედრო ძალითვე უპასუხებდნენ.
კომენტარები