დიდ ბრიტანეთში უკრაინის ელჩმა, უკრაინის შეიარაღებული ძალების ყოფილმა მთავარსარდალმა ვალერი ზალუჟნიმ განაცხადა, რომ მას შემდეგ, რაც რუსეთის მოკავშირეები უკრაინის წინააღმდეგ ომში ჩაერთნენ, შეიძლება ითქვას, რომ მესამე მსოფლიო ომი დაიწყო.
„მე ვთვლი, რომ 2024 წელს ჩვენ აბსოლუტურად ზუსტად შეგვიძლია მივიჩნიოთ, რომ მესამე მსოფლიო ომი დაიწყო. იმიტომ რომ 2024 წელს უკრაინას უკვე მხოლოდ რუსეთი არ უპირისპირდება. უკრაინის პირისპირ დგანან ჯარისკაცები ჩრდილოეთ კორეიდან“, – თქვა ზალუჟნიმ.
მან აგრეთვე აღნიშნა, რომ უკრაინის ომში ირანულ უპილოტო საფრენ აპარატებსაც იყენებენ. უკრაინაში ფეთქდება ჩინური ჭურვები და რუსულ რაკეტებში ჩინურ კომპონენტებს იყენებენ.
ზალუჟნის აზრით, ბევრი სამხედრო დაეთანხმება მას იმაში, რომ ჩამოთვლილი ფაქტორები იმის თქმის საშუალება იძლევა, რომ მსოფლიო ომი მიმდინარეობს.